ابڙو اڪيڊمي Abro Academy
2020-07-18
داخلا نمبر 513
عنوان ڇاپاڪو (يورشيائي)
شاخ پکي
پڙهيو ويو 331
داخلا جو حوالو:
ڇاپاڪو (يورشيائي)
ڇاپاڪو (يورشيائي)
28سينٽي ميٽر ڊيگهه وارو هي ڇاپاڪو سڄي يوريشيا، چين ۽ آفريڪا تائين پکڙيل آهي. رنگ سرمائي ناسي ٿئيس ٿو. اک جي مٿان هلڪو اڇو پٽو ۽ ڇاتيءَ تي سرمائي ڪاريون ليڪون اٿس. سج لٿي مهل ان جو آواز ”چُوئي! چُوئي!“ ٻڌبو آهي. نر کي پَرن تي ٻاهرين وڏن کنڀن مٿان گول اڇا ٽِڪا هوندا آهن. ڇاپاڪو پکي سڄو ڏينهن ڪنهن وڻ ۾ يا زمين تي پيو آرام ڪندو آهي. رات ٿيندي ئي خاموشيءَ سان جيتن جو پيڇو شروع ڪندو آهي. ڇاپاڪو وڻن جي ويجهو گاهه سان ڀريل علائقو پسند ڪري ٿو. ان جو آکيرو زمين تي وڻن يا ٻوڙن جي ويجهو ۽ کليل هوندو آهين. جيئن ته ڏينهن جو غائب رهندو آهي انڪري تمام گهٽ ڏسبو آهي. يوريشيائي ڇاپاڪو به ماحول 3: ۾ رهي ٿو.